又超耐冇寫過xanga喇~ 對上果一次寫xanga係因為唔開心....而今次寫亦都係因為唔開心~~
我發覺原來我一唔開心就會好想寫xanga架喇...反而平時我係冇咁大意慾去寫~

今晚勁唔開心...竟然唔開心到喊左出黎 >.< 我都已經好耐冇試過因為唔開心而喊喇...
可能因為壓抑得太耐喇,所以今次只係一句說話就即刻觸動到我既情緒~返到屋企就忍唔住喊左出黎
喊完一輪之後情緒仍然好低落, 好彩之後有frd聽我訴苦, 宜家先好番d~~
我真係唔明白你地呢d係咩心態....做乜都唔岩你地心水既...咁究竟你地想我點呀?!
唔係鬧呢樣就係鬧果樣, 日日都哦住哂~其實鬧人係唔係你地既興趣之一呢?!
同你地一齊生活真係好辛苦呀!!! 點解成日都要逼我行你地個套模式唧?!?! 我已經唔係細佬仔喇......我有我自己做野既一套方法架..... 唔好成日將你地果套擺係我身上啦....根本就唔work既~ 話你地又唔係, 唔話你地我自己又好辛苦!! 永遠都淨係搵我唔好既地方出黎, 然後就將佢放大, 放大再放大黎講....我做得好既野就唔會提~ 既然做唔做個結果都係一樣既....咁我點解仲要做唧~

如果有得俾我重頭黎過既話, 我一定唔係會做番以前既我!!!!! 宜家唯有努力儲錢, 希望可以快d離開啦~

唔開心呀!!!!!
好討厭不被重視既感覺...
好討厭俾人呼之則來, 揮之則去既感覺...
我諗你地諗唔到我會係咁介意呢d野~
本身我唔係一個咁小氣既人....
不過你地一個係咁; 兩個又係咁; 三個又係咁.........
而呢d野唔係發生一次半次呀!
係基乎每次都係咁樣呀!!!!!
請問你地當我係咩呢?!
我唔知道問題其實係唔係出係我身上....
但係我真係好唔開心囉~

千祈唔好同我講你地冇專登咁做呀~
可能你地真係冇特登咁對我啦.....
但係....你地既潛意識同你地既行為反應左一切囉~~
我真係感受唔到我有俾你地重視~
其實邊個對我好我真係知道架....
但係被重視既感覺對我黎講都好重要~
只係做好少野
我就已經心滿意足架喇!!!

唉.......我真係希望可以係你地身上攞到呢種感覺
因為你地都係我重視既人!!!!!

該煨囉~ 又開始冇野做喇我!! 悶到抽哂筋呀~ 今日成日都係到中眼訓.....>.< 快d到五月就好喇, 到時就會多番好多野做架喇~~

快樂既時光總係過得特別快既......岩岩上哂d堂, 希望果邊d工作都可以順順利利啦!!

好一個對比呀!!!!!!

不要隨便傷一個獅子座女生的心, 她們沒有你想像中那麼堅強! 她們是很死心眼的, 是獅子座的都會愛得很深!

獅子座的女生沒辦法去交很多的男朋友!

因為獅子座女生很寂寞, 她們覺得自己很可憐, 所以這個時候只要有人對她好, 她的心就會掉下去!

獅子座不喜歡講心事, 因為她覺得太丟臉了!

真的是超準的耶~ 完完全全就是我! 她不講, 我也不覺得自己是一個這麼樣的女生! 竟然全都被她說中了, 真希望她可以再多講一些關於獅子座女生的性格呢~

我要重新認識自己!!

呢幾晚都好鬼夜先訓......最主要都係因為最近我又愛上左玩facebook喇!! 最衰都係Eva姐啦~~ 叫我一齊玩X-Dogs, 搞到我玩到不能自拔喇..... 唉~ 其實都唔可以賴Eva既...都係自己衰貪玩, 搞到成日都唔夠訓  
宜家日日返工都好眼訓, 再加上突然間好似冇乜野做咁... 搞到我係公司好鬼呆滯  雖然冇咩野做, 但係我都要扮到好似好忙咁....事關上個星期五公司先岩岩炒左兩個人~ 係完全收唔到風既情況底下, 突然間就裁左兩個人出黎喇!!! 宜家搞到公司個個都人心惶惶, 好驚呀!!!!!!

上個星期六唔知發生咩事, 突然間有好多十世都唔見一次面; 好日都唔打一次電話俾我既frd call我出去玩 (本人係誇張左少少, 不過真係有一段時間無聯絡架喇~) 可惜.....可惜我唔得閒同佢地一齊出去玩啦~~唯有等下一次啦...... 如果佢地冇遺忘左我既話 ~~~

之前放工搭巴士既時候, 係某一個站, 有一對夫婦拖住兩個"口靚"仔'口靚"妹上車, 個"口靚"仔大概五歲左右, 佢地一上車就已經好鬼嘈架喇!! 個"口靚"仔把聲勁尖勁刺耳' 個阿媽講野又超大聲喎....兇神惡煞好似隻老虎乸咁; 個老豆反而講野好細聲, 幾斯文咁, 感覺似一個住家小男人.....佢地初初坐前我四排, 之後因為佢地個衰仔不停咁扭計要走去後面坐, 所以好不幸地個老豆就帶住阿衰仔坐左係我後面~ 個衰仔一坐低就使出左一招"連環快踢", 狂踢我椅背, 而我亦都唔執輸....即刻用我超凌厲既目光掃射阿衰仔同佢老豆.... 佢老豆都知死架喇~ 立即好溫柔咁同衰仔講: "乖啦.....放返隻腳落黎啦~" 我即刻心諗.....真係唔得你死囉~ 咁溫柔話佢, 搵阿荗聽你講野咩!!! 果然.....阿衰仔停左兩秒之後又開始撐我個椅背~ 繼而不停咁扭計話要去阿媽到, 又話要落去下面果層.....係我後面個位到典來典去~~~ 就係呢個時候.....佢阿媽係前面就隔住五行既位向後大鬧阿衰仔~ 全車都聽到佢講咩囉 =.=" 果刻我不知幾想做"星雲大師", "星暈"個衰仔....等佢唔好嘈暄巴閉, 典來典去呀~ 生個咁既衰仔既話就真係該煨囉~

唔該.....唔識教仔既就唔好生啦!!!